بو عالم سربسر ویران اولیدی                  نه دشت کربلا آلقان اولیدی

نه اهل کوفیه پیغمبر اوغلی                   گلیدی کوفه ده مهمان اولیدی

نه اکبر قطعه قطعه دوغرانیدی               نه لیلانون ایشی افغان اولیدی

علی اکبر نه تشنه جان ویریدی           نه زلفی گل یوزه افشان اولیدی

نه عباسوی قولی تندن دوشیدی      نه جسجسمی خاکیله یکسان اولیدی

نه قوللاری دوشوب بیرق یاتیدی         نه پرگار حسین تالان اولیدی

سودان اوتری نه اصغر اغلیدی           حسین نه عازم میدان اولیدی

نه اصغر اللری اوسته امامون                  نشان ناوک پیکان اولیدی

ئاناندا خیممه لر بر اود دوشیدی    بو عالم اود دوتوب سوزان اولیدی

نه زینب او جلالیله گلیدی                       اسیر لشگر عدوان اولیدی

نه قول باغلی گیدیدی شهر شامه           نه منزل زینبه ویران اولیدی

سوسوزدان نه رقیه ضعف ایدیدی        نه ال مصطفی گریان اولیدی

نه اوچگون اوچگجه پیغمبر اوغلئ       حسینون پیکری عریان اولیدی

نه باشی نیزه باشینده او شاهون             گیدیدی خولیه مهمان اولیدی



تاريخ : شنبه سیزدهم آذر 1389 | 1:27 | نویسنده : خادم |
.: Weblog Themes By BlackSkin :.